ودي اموت اليوم واعيش باكر

ودِّي أمُـوتْ .. اليُـوم ... وأعيـش باكـر
وأشوفْ مِنْ هـو .. بعـد مُوتـي فقدنـي ..!

ومِنْ هو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي

وبشُوفْ .. يرثيني أنـا كَـمْ [ شاعـر ] ..؟
ومِنْ هو تركْنـي .. ومـا كِتَـب شَـي عنِّـي

شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي

وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي

ومِنْ هو مِـنْ أهلـي في العَـزا كـان حاضـر
ومِنْ هو دعى لي فـي " صلاتـه " ورحمنـي

ومِنْ هـو بنـى [ بإسمـي ] سبيـل ومنابـر
ومِنْ هـو يفـز قلبـه .. إلا مِــنْ لمحـنـي

ومِنْ هو عشانـي : طُـول الأيـام ساهـر ..!
ومِنْ هـو ثـلاث أيَّـام .. راح وتركنـي ..؟

ومِنْ هـو يرتِّـب .. غرفتـي .. / والدفاتـر
وإن شاف ( صوره ) لـي صاح وحضنِّـي

يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي

خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي

وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي

ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي

الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي

عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي

قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّه وحشنـي !!

( شاعـر ) ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !!

وهذا رابط الأنشودة (ان شاء الله يصلح لأني أول مره انزل رابط)

يشرفني اني اكون اول وحده ارد على موضوعج المميز
وتقبلي مروري
تسلمين

مششششكورة حياتي بس مو مووجد الرآبط يعطييك الف عافية على الكلمات

ثانكس

اشكركم على مرروركم والله فرحت فيه وابشرو في موضوعات احلا بصراحه ما اعرف اضحك او ابكي من الفرح

تسلمين حياااتي على الموضوع الحلوو
يطيك العاافيه

يعطيييييييييج العاااافيه عسوووووووله يالغاليه

تسسسلمي
انا ودي اموووت
با حب الملك عبدالله
يااارب رجعه لسسعودبه سلم غانم

Mshkoooora 7yate